ஏப்ரல் முதல் சென்னையிலிருந்து மொரிஷியஸுக்கு விமான சேவையை துவங்கும் ஏர் மொரீஷியஸ் நிறுவனம்

சென்னை, 27 பிப்ரவரி 2024 – மொரீஷியஸின் தேசிய விமான நிறுவனமான ஏர் மொரிஷியஸ், 2024 ஏப்ரல் 13 முதல் சென்னையிலிருந்து மொரிஷியஸுக்கு வாரத்திற்கு ஒரு விமானத்தை இயக்கவுள்ளது. மொரிஷியஸின் முதன்மையான விமான நிறுவனமான ஏர் மொரிஷியஸ், தமிழகத்தின் தலைநகரான சென்னையில் இருந்து ஒவ்வொரு சனிக்கிழமையும் வாராந்திர விமானத்தை இயக்க உள்ளது, இந்த ஏர்பஸ் ஏ330 விமானத்தில் 254 இருக்கைகள் பொருத்தப்பட்டுள்ளது. இந்த விமானம் இந்தியாவின் சென்னை சர்வதேச விமான நிலையத்திலிருந்து மொரிஷியஸின் எஸ்எஸ்ஆர் சர்வதேச விமான நிலையத்திற்கு 5 மணிநேரம் 45 நிமிடங்களுக்கு தடையற்ற பயணத்தை வழங்கும்.

வரும் ஏப்ரல் 12 2024 முதல் ஒவ்வொரு வாரமும் வெள்ளிக்கிழமை அன்று MK746 விமானம் மாலை 6 மணி 30 நிமிடங்களுக்கு மொரிஷியஸில் இருந்து புறப்பட்டு அதிகாலை 1 மணி 50 நிமிடங்களுக்கு சென்னை வந்தடையும், அவ்வாறே ஏப்ரல் 13, 2024 முதல் ஒவ்வொரு வாரமும் சனிக்கிழமை அன்று MK747 விமானம் காலை 3 மணி 35 நிமிடங்களுக்கு சென்னையில் இருந்து புறப்பட்டு காலை 7 மணி 50 நிமிடங்களுக்கு மொரிஷியஸ் சென்றடையும்.

ஏர் மொரிஷியஸின் பொறுப்பதிகாரி லாரன்ட் ரெகோரா கூறியதாவது, “நான்காண்டுகளுக்குப் பிறகு சென்னையில் இருந்து எங்கள் செயல்பாடுகளை மீண்டும் தொடங்குவதில் நாங்கள் மகிழ்ச்சியடைகிறோம். மொரிஷியஸும் இந்தியாவும் ஒரு சிறப்பு உறவைப் பகிர்ந்து கொள்கின்றன, இது இரு நாட்டு மக்களுக்கு இடையேயான உறவுகளின் அடித்தளத்தில் கட்டமைக்கப்பட்டுள்ளது. மொரிஷியஸின் அழகிய மணல் கடற்கரைகள், தெள்ள தெளிவான நீர் வளம் மற்றும் செழிப்பான கடல்வாழ் உயிரினங்கள் ஆகியவற்றை காண்பதன் மூலம் பார்வையாளர்கள் மொரீஷியஸின் இயற்கை அதிசயங்களையும், அதன் வளமான கலாச்சார பாரம்பரியத்தையும் அனுபவிக்கலாம், இது மொரிஷியஸின் வரலாற்றையும் இந்தியாவுடனான அதன் ஆழமான கலாச்சார உறவுகளையும் பிரதிபலிக்கிறது. இரு நாடுகளும் மூதாதையர், மொழி மற்றும் புவியியல் ஆகியவற்றால் ஒன்றுபட்டுள்ளன. ஏர் மொரிஷியஸ் தற்போது மும்பைக்கு வாரத்திற்கு ஆறு முறையும், டெல்லிக்கு வாரத்திற்கு மூன்று முறையும் விமானங்களை இயக்கி வருகிறது” என்று கூறினார்.

மொரீஷியஸ் சுற்றுலா மேம்பாட்டு ஆணையத்தின் இயக்குநர் திரு. அரவிந்த் பந்துன் கூறுகையில், “சென்னையிலிருந்து மொரிஷியஸுக்கு மீண்டும் துவங்கப்பட்டுள்ள விமான சேவை தென்னிந்தியாவில் இருந்து வரும் பார்வையாளர்களுக்கு பயணத்தை எளிதாக்குவதில் ஒரு குறிப்பிடத்தக்க படியாகும். தடையற்ற பயண அனுபவங்களுக்கான வளர்ந்து வரும் தேவையை பூர்த்தி செய்வதோடு மட்டுமல்லாமல், இரு நாடுகளுக்கும் இடையே வலுவான உறவுகளையும் அதிக இணைப்பையும் வளர்க்கும் இந்த முயற்சியை முன்னின்று நடத்தியதற்காக ஏர் மொரிஷியஸுக்கு எங்களது மனமார்ந்த நன்றியைத் தெரிவித்துக் கொள்கிறோம். இந்த புதுப்பிக்கப்பட்ட இணைப்பு முடிவற்ற சாத்தியங்களுக்கான கதவுகளைத் திறக்கிறது, மொரிஷியஸின் இணையற்ற அழகையும் விருந்தோம்பலையும் முன் எப்போதும் இல்லாத வகையில் ஆராய பயணிகளை அழைக்கிறது.” என்று கூறினார்.

மொரிஷியஸ் குடியரசு ஆப்பிரிக்க கண்டத்தின் தென்கிழக்கு கடற்கரையில், இந்தியப் பெருங்கடலின் நடுவில், அதன் பசுமையான மலைகள் மற்றும் அதன் பாதுகாக்கப்பட்ட யுனெஸ்கோ உலக பாரம்பரிய தளங்கள் போன்ற ஒரு அழகான தீவு நாடாகும்.

மொரிஷியஸ், ஐரோப்பா, இந்தியா, ஆப்பிரிக்கா மற்றும் சீனாவில் இருந்து தோன்றிய மக்கள்தொகை கொண்ட கலாச்சாரங்களின் கலவையாகும். இது அதன் பழம்பெரும் விருந்தோம்பல் மற்றும் மாறுபட்ட உணவு வகைகளுக்கும் பெயர் பெற்றது.

இந்த புதிய விமான சேவை மூலம் ஏப்ரல் 13 முதல், அழகிய வெள்ளை மணல் கடற்கரைகள் மற்றும் மனதை மயக்கும் தெளிவான நீர்நிலைகளுக்காக புகழ்பெற்ற மொரீஷியஸின் அழகிய சுற்றுலா தலங்களுக்கு, சென்னையிலிருந்து பயணிகள் தடையற்ற பயணத்தை மேற்கொள்ள முடியும்.