தி பிஎஸ்பிபி மில்லினியம் பள்ளி கெருகம்பாக்கத்தில் பாரதிய சன்ஸ்க்ருதி சார்பில் நிகழ்ச்சி திரு. ஒய்.ஜி. மகேந்திரன் அவர்களால் தொடங்கப்பட்டது.

இளம் கலைஞர்களை ஊக்குவிப்பதற்காக நாடகம், தனி நடிப்பு, நடனம், பாட்டு என பல கலைகளும் சங்கமிக்கும் விதமாகவும், அனைத்து ரசிகர்களும், ரசித்து மகிழும் படி இந்நிகழ்ச்சி அமைக்கப்பட்டுள்ளது.

சென்னை மிகப்பெரிய நகரமாக மாறி வரும் இந்நிலையில், தென் சென்னையிலும் கலைகள் வளரும் இடமாக உருவாக்க வேண்டும் என்ற எண்ணத்தில் இந்நிகழ்ச்சி ஏற்பாடு செய்யப்பட்டது.

கிரேசி மாது பாலாஜி நாடகம், விஜய் டிவி புகழ் சூப்பர் சிங்கர் ஷ்ரவ்ணின் இசைக் கச்சேரி, ஷியாம் மற்றும் ஜெகன் கிருஷ்ணாவின் தனி நடிப்பு போன்ற ஆர்வமூட்டும் நிகழ்ச்சிகள் ரசமயி சந்தியாவில் நடைப்பெற்றது.

எட்டு நாட்கள் தொடர்ந்து ஒரு நாளைக்கு இரண்டு நிகழ்ச்சிகள் மதியம் ( 2 – 3.30 ) மற்றும் மாலை ( 4.30 – 6 ) மணிக்கு நடைபெற்றது.

இங்கு நடைபெற்ற நிகழ்ச்சிகள் அனைத்திற்கும் பள்ளியின் ரோட்டரி இன்ட்ரா கிளப் சார்பில், முதியோர் இல்லம் மற்றும் அனாதை இல்லத்திலிருந்து விருந்தினர்கள் அழைக்கப்பட்டனர். சுமார் 100 இருக்கைகள் இவர்களுக்காக ஒதுக்கப்பட்டது.

ரசமயி சந்தியா நிகழ்ச்சியின் முக்கிய நிகழ்வு மேலாளர் திரு. அன்சுமன் ஐயங்கார் இப்பள்ளியின் முன்னாள் மாணவர் மற்றும் ஆஸ்ட்ரல் கிரியேஷன்ஸ் பிரைவேட் லிமிடெட் இயக்குனர் ஆவார்.

இந்த நிகழ்ச்சிகளை காண்பதற்கு வடபழனி பேருந்து நிலையம் மற்றும் பிஎஸ்பிபி மில்லினியம் பள்ளி கிண்டி கிளையில் இருந்தும் இலவசமாக பேருந்து வசதி செய்யப்பட்டது.

அனைவரும் ரசமயி சந்தியா நிகழ்ச்சியை கண்டு களித்து மகிழ்ந்தனர்.